Sulmi ndaj Berishës, kryeparlamentarja Lindita Nikolla: Drejtësia të veprojë!

Kryetarja e Kuvendit, Lindita Nikolla, ka dënuar sot dhunën e ushtruar ndaj kreut të PD-së, Sali Berishës, organizator i protestës së sotme në Tiranë.

Në mesazhin e saj, kryeparlamentarja thekson se ushtruesit e dhunës duhet të marrin dënimin e merituar nga ligji. Thirrja e Nikollës, është që organet ligjzbatuese dhe të drejtësisë të veprojnë pa hezitim dhe të zbatojnë ligjin.

“Dhuna është e papranueshme në një shoqëri demokratike. Ushtruesit e dhunës duhet të marrin dënimin e merituar nga ligji. Prandaj inkurajoj organet ligjzbatuese dhe të drejtësisë të veprojnë pa hezitim dhe të zbatojnë ligjin ndaj dhunuesit të deputetit”.