Takimi Balla-Basha? Berisha: Pengu i Ramës, ta takojë në kafe dhe mos të fshihet si qyqar

Montazh qesharak e quajti ish-kreu i Partisë Demokratike, Lulzim Basha një video të publikuar në media në të cilën ai shihet duke u takuar me kreun e grupit parlamentar të Partisë Socialiste, Taulant Balla.

Por ndryshe mendon Sali Berisha, i cili thotë se kjo tregon haptazi se Basha është peng i Ramës. Ish-kryeministri i sfidon kur thotë se pse s’takohen haptaz, po fshehurazi si qyqarë.

“Për mua, ajo video nuk thotë asgjë të re. Super video është dosja e Lul Bashës që e mban Rama peng për larje parash, pas kësaj peng marrjeje, unë të vetmin problem kam se pse s’takohen haptaz, po fshehurazi si qyqarë. S’kam as koment për atë. Unë e kam thënë me kohë, ata janë pengje. Ata më mirë të ikin të pinë kafe sesa të shkojnë nëpër skuta”,-tha Berisha në konferencën me gazetarët këtë të premte në selinë blu.