Takimi i Bashës me Varhelyin, PD: E njohu komisionerin me manipulimin masiv të zgjedhjeve

Lulzim Basha zhvilloi këtë të mërkurë një takim me Komisionerin për Zgjerimin në BE, Oliver Varhelyi, takim i mbajtur në sallën Vip në Rinas. Kreu i PD-së e falenderoi zotin Varhelyi dhe Komisionin Europian për sasinë e vaksinave që BE-ja i ka dhënë Shqipërisë, si dhe për mbështetjen financiare për të lehtësuar pasojat ekonomike dhe shëndetësore.

Sipas njoftimit të selisë blu, në qendër të takimit ishte procesi i zgjedhjeve, ku Basha e njohu komisionierin me manipulimet masive që i janë bërë procesit zgjedhor, përmes shitblerjes së votës, përdorimit të personave me precedentë kriminal, përdorimit të paligjshëm të administratës.

Vjedhjes dhe përdorimit kriminal të të dhënave personale të shtetasve nga PS, përdorimit të paligjshëm, masiv dhe sistematik të parave të buxhetit të shtetit për tjetërsimin e vullnetit të qytetarëve si dhe përdorimin e legalizimeve për vota. Basha shprehu vendosmërinë e tij dhe të Partisë Demokratike për të vazhduar betejën për ndryshim dhe për të kthyer demokracinë në Shqipëri.

“Fushata e tjetërsimit të vullnetit të zgjedhësve u drejtua nga kupola drejtuese qeveritare në bashkepunim nga persona qe jane nen hetim per bashkëpunim me krimin e organizuar, dhe personave në listën e zezë të SHBA, fëmijë dhe të afërm të personave që u nxorrën jashtë nga ligji i dekriminalizimit janë tashmë pjesë e listës së deputetëve të PS. PD dhe kandidatëet saj”,-është shprehur Basha, njofton PD, “kanë depozituar në SPAK dhe në prokuroritë e rretheve rreth 180 kallëzime për të cilat nuk ka patur asnjë veprim ndalues apo parandalues edhe pse ato janë depozituar muaj para datës së zgjedhjeve. Policia e shtetit në shume raste është përfshirë në mbrojtjen kontigjenteve të blerjes së votës si dhe ka fshehur, tjetërsuar dhe manipuluar fakte flagrante ku persona me precedent janë përfshirë në operacionin kriminal të blerjes së votave dhe shantazhimit të votuesve”,-thuhet në deklaratën e shpërndarë nga PD-ja.