Takimi i Stabilizim-Asociimit, palët politike pa deklaratë të përbashkët

Në mbyllje të takimit të radhës të Stabilizim Asociimit Shqipëri-Be, kryesuesja e delegacionit të BE, Monica Macovei apeloi politikën shqiptare që të punojë në lidhje me progresin drejt Bashkimit Europian. Konkulzionet e takimit dy ditor i publikoi kryesuesi i tryezës nga pala shqiptare, Taulant Balla.

"Më lejoni që te them qartazi se Parlamenti Europian mbështet procesin e integrimit të Shqipërisë ne BE, pavarësisht nga partitë politike, popullore, liberale apo të gjelbërta, të gjithë jemi njëzëri për mbështetjen e Shqipërisë ne BE. Ne kemi ardhur këtu për t’ju ardhur në ndihmë për t’ju ofruar support. E kemi bërë këtë edhe në vendet e tjera të këtij rajoni. Prania e Shqipërisë në BE është e vetme alternative për të ardhemn e Shqipërisë. Një pikë tjetër e rëndësishme në deklaratën e përbashkët ka të bëjë me mbështetjen e marrëveshjes ndërpartiake të arritur në fund të dhjetorit të vitit që shkoi. Ne presim që të organizohen reforma, ose më mirë presim hapa që angazhimet e përbashkëta mes partive të bëhen realitet", tha ajo.

"E konsiderojmë dhënien e statusit kandidat si njohje të hapave dhe reformave të ndërmarra. Shprehim mbështetjen e plotë për anëtarësim të BE si e vetmja alternativë për të ardhen e vendit. Mështesim marrëveshjen ndërpartiake të 24 dhjetorit. Presim që të gjitha palët ti përmbahen angazhimeve të marra, duke nënvizuar rëndësine e dialogut dhe konsensusit politik sic parashikohet në marrëveshje si dhe nevojës për bashkëpunim të qëndrueshëm për zhvillimin e reformave për integrimin në BE", do shtonte deputeti socialist, Taulant Balla.