Takimi me Berishën, Dashamir Shehi: Kandidatët ti testojmë në popull me anë të sondazheve

Kreu i LZHK-së, Dashamir Shehi ka treguar më shumë për takimin që Sali Berisha zhvilloi pak ditë më parë me kryetarët e partive aleate. Ai tha se aleatët dhe PD-ja kanë rënë parimisht dakord mbi disa çështje. Për të opozita nuk mund të fitojë nëse nuk del me një kandidat. Ai theksoi se e vetmja mënyrë që opozita të nxjerrë një kandidat fitues është ta testojë atë në popull me anë të sondazheve.

Jeni takuar me zotin Berisha ju dhe aleatët e tjerë të PD, ka specifika për të cilat jeni dakordësuar?

Ne jemi takuar para një jave. Them që kemi bërë një gjysmë pune, kemi rënë dakord për disa gjëra. E vetmja mënyrë është të dalim me një kandidat më vete, në proporcional të dalim secila parti më vete.

Kur flasim për kandidat të përbashkët, çfarë fitoni ju?

Formula që i kemi propozuar ne është që çdo parti të sjellë kandidatët e vet dhe ata t’i nënshtrohet një sondazhi.

PD po bën primare, dhe po i bën për kandidaturat e veta?

PD t’i bëjë primaret, uroj t’i bëjë mirë, por ata janë të PD-së, bile vetëm të pjesës së foltores, por është e pamjaftueshme të fitojë zgjedhjet, dhe ne na duhet një kandidat që shkon përtej PD-së.

Por si do bëhet ndarja?

Berisha të bjerë 100. Ne po them që në Tiranë t’i nënshtrohet sondazhit, më mirë se kjo nuk e nxjerr askush. Ne nuk na votojnë për zgjedhje tifozët e partisë.

Por Berishës i cënohet procesi brendshëm?

Nuk i cënohet procesi Berishës, le t’i zgjedhë me sondazh, dhe në fund themi që këta janë 7-8 vetë që do jenë në Tiranë. I marrim këta 7-8 kandidatë dhe sondazhi do të nxjerrë më të mirin. Unë do isha dakord sikur PD të ishte si njëherë e një kohë, por po flasim për një realitet konkret, se kemi dy PD.