Takimi me kreun e ri të SPAK-ut, Yuri Kim: Arrestime në nivele të larta!

Vitin 2023 ambasadorja e SHBA-së në Tiranë, Yuri Kim e nisi në SPAK, ku zhvilloi një takim me kreun e ri të kësj strukture, me Altin Dumanin. Në njoftimin e Ambasadës së SHBA-së, vihet theksi se askush nuk është mbi ligjin. ”SHBA do të mbështesi plotësisht prokurorët dhe hetuesit e SPAK teksa ndërtojnë mbi sukseset e deritanishme dhe intensifikojnë ndjekjen penale të korrupsionit të nivelit të lartë dhe krimit të organizuar, në përputhje me ligjin, pa frikë apo favore”,-shkruhet në njoftimin e Ambasadës së SHBA-së në Tiranë.

Postimi i plotë 

Ambasadorja Yuri Kim u takua sot me Kreun e ri të SPAK, Altin Dumani, për ta uruar atë për postin e tij të ri drejtues. Ajo ritheksoi që Shtetet e Bashkuara do të vazhdojnë të mbështesin fort zbatimin e reformës në drejtësi, një kërkesë për aspiratat e Shqipërisë për t’u anëtarësuar në Bashkimin Europian.

Në këtë drejtim dhe për të çuar përpara jetësimin e faktit që Presidenti Biden e ka identifikuar luftën kundër korrupsionit si interes thelbësor të sigurisë kombëtare të Shteteve të Bashkuara, ne do të mbështesim plotësisht prokurorët dhe hetuesit e SPAK teksa ndërtojnë mbi sukseset e deritanishme dhe intensifikojnë ndjekjen penale të korrupsionit të nivelit të lartë dhe krimit të organizuar, në përputhje me ligjin, pa frikë apo favore. Askush nuk është mbi ligjin.