Takimi me kreun e SPAK-ut, Blinken: Anëtarë të krimit janë duke përfunduar në gjyq

Në konferencën për shtyp me kryeministrin Edi Rama, sekretari Amerikan i Shtetit, Antony Blinken pjesë të fjalës u ndal tek Reforma në Drejtësi.

”Sot kam pasur mundësi të takohem edhe me prokurorë e gjyqtarë, të cilët janë duke drejtuar reformat kryesore.

Është e rëndësishme të kuptojmë që anëtarë të krimit të organizuar janë duke përfunduar në procese gjyqësore.

Ky është një proces dhe është e rëndësishme që vazhdon të eci përpara. Ne do të vazhdojmë të mbështesim Shqipërinë në anëtarësimin në BE, është ajo që populli meriton”, tha ai.