Takimi me liderët e diasporës, Yuri Kim: Ta bëjmë Shqipërinë atraksion për investimet e SHBA-së

Në kuadër të rritjes së invenstimeve në Shqipëri, ambasadorja e Shteteve të Bashkuara të Amerikës në Tiranë, Yuri Kim këtë të mërkurë është takuar me drejtuesit e diasporës shqiptare në Amerikë.

Përmes një postimi në Twitter, dplomatja amerikane shprehet se bisedoi me liderët e Kongresit Pan-Shqiptaro-Amerikan për kontributin që mund të japë diaspora për ta kthyer Shqipërinë në një vend atraktiv për investimet amerikane.

“Sapo u takova me drejtuesit e Kongresit Pan-Shqiptaro-Amerikan për të diskutuar sesi diaspora mund të kontribuojë në mbështetje të demokracisë, mbrojtjes dhe biznesit në Shqipëri. Në një kohë që Shqipëria po forcon shtetin ligjor dhe po pastron gjykatat, do të bëhet edhe më shumë një vend aleat i aftë në NATO dhe destinacion atraktiv për investimet amerikane”, shkruan Yuri Kim.

I met leaders of the Pan-Albanian American Congress @PaacPan to discuss how the diaspora can support democracy, defense & business in 🇦🇱. As 🇦🇱 strengthens rule of law & cleans up courts, it will become an even more capable NATO Ally & attractive destination for 🇺🇸 investment. pic.twitter.com/rkm5KW3PRT

— U.S. Ambassador to Albania (@USAmbAlbania) July 7, 2021