Takimi me presidentin hungarez, Meta: Mirënjohje për mbështetjen në integrimin e Shqipërisë në BE

Presidenti i Shqipërisë, Ilir Meta ka ndarë përshtypjet nga takimi me homologun e Hungarisë, Janos Ader. Takimi u zhvillua pas ceremonisë solemne të përurimit të bustit të Heroit tonë Kombëtar, Gjergj Kastrioti Skënderbeu në Budapest. Meta shkruan se mikëpritja që iu bë ishte e ngrohtë dhe miqësore. Kreu i shtetit shprehu mirënjohjen e thellë për mbështetjen e vazhdueshme, që Hungaria i ka dhënë Shqipërisë në kuadër të proceseve integruese në NATO dhe Bashkimin Europian.