Takimi me raporterët e Venecias, Halimi: Shqetësim që drafti s’u miratua me konsensus

Raporterët e Komisionit të Venecias kanë shprehur shqetësimin lidhur me mosdakordësinë e palëve politike për të dalë me një draft të përbashkët për reformën në drejtësi.

Deputetit i Partisë Demokratike, Eduard Halimi, duke folur pas takimit tha se qeveria kërkon ta kapë drejtësinë, ndërsa PD synon forcimin e pavarësisë së sistemit të drejtësisë.

Halimi: Shprehëm shqetësimin tonë lidhur me proçesin në të cilin u hartua drafti i njëanshëm nga ana e ekspertëve të mazhorancës, këmbënguljen e opozitës që të shkonim në Komisionin e Venecias me një draft të përbashkët, i cili të respektojë një më një të 138 paragrafët e opinionit të 21 dhjetorit të vitit të kaluar. Pati dhe propozime dhe diskutime nga raporterët e komisionit të Venecias, të cilët shkëmbyen qëndrimet e tyre me ekspertët e opozitës, të cilat kanë të bëjnë qoftë me thjeshtim e skemës institucionale, qoftë edhe me daljen nga ky proçesi i emërimit të gjithë numrit të zyrtarëve të drejtësisë me 3/5. Nga raporterët vërehet shqetësimi se palët ishin larg një dialogu konstruktiv me palët.