Takimi në Hagë me ish-drejtuesit e UÇK-së, Veliaj: Beteja e drejtë për lirinë e Kosovës ndali genocidin ndaj shqiptarëve

Pas takimit me ish-drejtuesit e lartë të UÇK-së në Hagë, kryebashkiaku i Tiranës, Erion Veliaj thekson se beteja e drejtë për lirinë e Kosovës ndali genocidin ndaj shqiptarëve. Në një status në twitter, Veliaj shkruan se ajo betejë ndali spastrimin etnik nga ushtria serbe dhe solli çlirimin dhe pavarësinë e vendit.

“Me mikun e mirë Enver Hoxhaj për të takuar e mbështetur vëllezërit tanë në Hagë Hashim Thaçi, Rexhep Selimi e drejtuesit e UÇK-së. Beteja e drejtë për lirinë e Kosovës ndali genocidin ndaj shqiptarëve, spastrimin etnik nga ushtria serbe, solli çlirimin dhe pavarësinë e vendit”, nënvizon Veliaj.

Bashkë me nënkryetarin e Kuvendit të Kosovës, Enver Hoxhaj, kryebashkiaku Erion Veliaj takoi sot në Hagë Hashim Thaçin, Kadri Veselin, Jakup Krasniqin dhe Rexhep Selimin.

Me mikun e mire @Enver_Hoxhaj per te takuar e mbeshtetur vellezerit tane ne Hage @HashimThaciRKS, @RexhepSelimi_10 e drejtuesit e UÇK

Beteja e drejte per lirine e Kosoves, ndali genocidin ndaj shqiptareve, spastrimin etnik nga ushtria serbe, solli çlirimin & pavaresine e vendit! pic.twitter.com/lZagyR8LZL

— Erion Veliaj #B40Presidency 🇪🇺🇦🇱 (@erionveliaj) October 14, 2022