Takimi në Vatikan, zbulohen dhuratat që shkëmbyen Presidenti Begaj dhe Papa

Presidenti shqiptar Bajram Begaj dhe Zonja e Parë së bashku me dy djemtë e çiftit, u pritën këtë të premte nga Papa Françesku në Vatikan.

Kreu i shtetit e falënderoi Atin e Shenjtë për audiencën, duke iu referuar marrëdhënieve historike e shumë shekullore mes shqiptarëve dhe liderëve të tyre me Selinë e Shenjtë, shprehu mirënjohjen e thellë për gjithçka që Shteti i Vatikanit ka bërë për popullin shqiptar, sidomos pas ndryshimeve demokratike në vitet ’90.

Në fund të takimit Papa i dhuroi presidentit Begajt një majolikë që përmbante një statujë të Shën Pjetrit. Kurse Begaj nga ana tjetër i dhuroi Papës një mozaik prej druri ku shfaqet një gua me veshje tradicionale shqiptare.