Taulant Balla mbjell pemë në Lushnjë: Jo më fushata me postera që vendosen nëpër mure

Kryetari i Grupit Parlamentar dhe njëherësh Drejtuesi politik i PS për qarkun e Fierit, Taulant Balla, ka mbjellë ditën e sotme pemë në Lushnjë.

Balla është shprehur se kjo fushatë do të mbahet mend si fushata që i bën mirë mjedisit dhe se historia e kahershme të posterave që viheshin nëpër mure të marrë fund.

“Kemi transferuar nga fondi ynë i fushatës një pjesë të mirë të shumës për mbjellje të pemëve në çdo bashki. Jam shumë i kënaqur që në Lushnje numri i pemëve të mbjella deri tani është i lartë dhe be do të vazhdojmë me intensitet deri më 14 maj për t’u kujtuar kjo fushatë si një nga fushatat që i bën mirë mjedisit dhe t’i japim fund historisë së kahershme të posterave që viheshin nëpër mure deri kur të vinte fushata tjetër“, është shprehur Balla.