Tavo fitoi në Himarë, koaliconi ”Bashkë Fitojmë” i kërkon KQZ-së shpalljen e pavlefshme të zgjedhjeve

Pa kaluar një javë nga zgjedhjet e parakohshme në Himarë, koalicioni ”Bashkë Fitojmë” ka ankimuar në Komisionin e Ankimimeve dhe Sanksioneve (KAS) rezultatin. Në zgjedhjet e zhvilluara në këtë bashki më 4 gusht, kandidati i Partisë Socialiste Vangjel Tavo, përballë kandidatit të opozitës Petro Gjikuria. Në ankimimin zyrtar drejtuar KQZ, opozita kërkon shpalljen e pavlefshme të votimeve në 36 qendrat e votimit në Himarë.

Koalicioni ”Bashkë Fitojmë”, thotë se ka prova të mjaftueshme për problematika dhe parregullsi të rënda gjatë procesit të votimit. “Pavlefshmëria e zgjedhjeve te zhvilluara ne te gjitha Qendrat e Votimit (gjithsej 36 QV-të) e zonës zgjedhore Bashkia Himare”, citohet në ankimin e PD-së.

Për PD-në zgjedhjet u mbajtën në një klimë politike të ngarkuar ndërkohë që akuzon mazhorancën për pengim të votuesve, siç ishte rasti i kartave të identitetit të skaduara, zbarkimin e administratës në Himarë dhe pa lënë mënjanë intimidimin ndaj votuesve e bizneseve të zonës. Kandidati i PS, Vangjel Tavo me 5022 vota, përkundër kandidatit të opozitës Petro Gjikuria me 3545 vota.