Tedi Blushi tallet me Gjonajn: Edhe falsifikatore edhe krenare! Ti qofsh moj çupë!

Ironisë së ministres së Drejtësisë Etilda Gjonaj i është përgjigjur po me ironi zëdhënësi i Presidencës Tedi Blushi, i cili në një reagim të shkurtër në rrjetet sociale, shpreh habinë e tij që ministrja rezulton edhe falsifikatore, edhe krenare.

“Edhe falsifikatore edhe krenare! Ti qofsh moj çupë!”, shprehet zëdhënësi i Presidentit, Tedi Blushi.

Reagimi i Gjonajt

Ministrja e Drejtësisë Etilda Gjonaj ka reaguar pas depozitimit të padisë ndaj saj në SPAK nga Presidentit Meta.

Ky i fundit publikoi dhe akuzat ndaj ministres Gjonaj dhe 2 zyrtarëve të tjerë të kësaj ministrie.

I menjëhershëm ka qenë dhe reagimi i Gjonajt e cila pasi ka ironizuar praninë e Metës në SPAK është shprehur se do t’i përgjigjet institucionalisht kësaj padie.

“Sikur të mos i mjaftonte politika e dëshpëruar e dhunës verbale, sot Kreu i Shtetit ka gjetur kohën të paraqitet personalisht me të gjithë stafin e tij në zyrën e sekretarisë të SPAK, për të dorëzuar një kallëzim penal ndaj meje dhe stafit tim. Në respekt të Kushtetutës dhe pozicionit tim zyrtar me Presidentin, reagimi im do jetë institucional kundrejt akteve të tij. E siguroj se jam gati t’i përgjigjem jo vetëm SPAK-ut ligjërisht po dhe atij vetë publikisht, institucionalisht dhe ligjërisht, me kulturë dhe etikë.

Pavarësisht absurditetit të kësaj historie, mbetet me rëndësi që Presidenti ka bërë hapin e duhur, njohjen e institucioneve e reja të Reformës në Drejtësi të cilën ai u lodh aq shumë duke e luftuar dhe përbaltur atë dhe cilindo që punon me të, shqiptarë dhe ndërkombëtarë. Shpresoj që të pranojë punën e tyre edhe ditën kur drejtësia e re dhe SPAK të filloj të godasë në shenjat e njohura botërisht si njolla të Shqipërisë, politikanë dhe zyrtarë të lartë të njohur për korrupsionin dhe krimet e tyre në këtë vend. Koha që drejtësia të veprojë!”, tha Gjonaj.

Presidenti padit ministren në SPAK: Më 2 mars në sheshin e betejës së vërtetë. Rreziku më i madh, murtaja që quhet Rilindje

Çfarë dokumentesh ka në çantën misterioze të Këshilltarit të Presidentit?

Presidenti dorëzon padinë për ministren, bën simbolin e shqiponjës para se të hyjë në SPAK