Teknologjia në zgjedhje, PD-KQZ: Duam numërim elektronik në Fier e Korçë

Sekretari i Përgjithshëm i Partisë Demokratike, Gazment Bardhi ka dorëzuar kërkesën në Komisionin qëndror të Zgjedhjeve, një projekt pilot për numërimin elektronik në zgjedhjet parlamentare të 25 prillit. Partia Demokratike kërkon që të teknologjia e re të implementohet në Fier e Korçë. KQZ është në pritje të një përgjigjeje edhe nga subjektet e tjera politike, mes të cilave PS.

”Z. Komisioner, në përgjigje të shkresës suaj nr. 2646 prot., datë 28.12.2020, mbi zbatimin e teknologjisë në zgjedhjet e datës 25 prill 2021 për Kuvendin e Shqipërisë, ju bëjmë me dije se opinioni i Partisë Demokratike është që projekti pilot për votimin dhe numërimin elektronik të realizohet në qarqet Fier dhe Korçë”, thuhet në dokument.

KQZ konfirmon se procedurat për realizimin e projektit pilot do të jenë të ndara nga ato të të identifikimit biometrik, për të cilën deri më tani është përgjigjur vetëm një kompani.