Tërmeti i 26 nëntorit, Rama: 51 viktimat u shkaktuan nga ndërtimet jashtë planit

Kuvendi i Shqipërisë zhvillon sot seancën e radhës plenare. Në diskutim eshtë edhe projektligji për kontrollin dhe disiplinimin e punimeve të ndërtimit, ku pritet të propozohen disa masa shtrënguese mbi kriteret e këtij sektori pasdëmtimit të banesave nga tërmeti i 26 nëntorit.

“Pjesa më e madhe e ndërtesave në Tiranë dhe në qytetet e tjera nuk kanë lidhje me lejet e ndërtimit të miratuara. Nëse do të ishin zbatuar projektet e miratuara nga bashkitë do kishin sot qytete shumë më cilësorë se sa ato që kemi sot. Ajo që ka ndodhur dhe ka sjellë edhe situatën e papranueshme të papunësisë për të zotëruar pronën e tyre, është tejkalimit me shtesa. Në masë të patolerueshme rastesh, ajo që nis me miratimin e lejes është një trup që shfaqet i zmadhuar nga shkelja e ligjit. Pse nuk ka funksionuar kontrolli. Sepse nuk mund të funksionojë. Ka qenë një betejë e nisur nga unë që në bashkinë e Tiranës për të ndëshkuar rëndë çdo metës katrorë jashtë lejes. Nga gjoba e propozuar prej meje në atë kohë me 100% për metrat shtesë u zbrit këtu në këtë sallë me 4% të kostos për shtëpitë dhe 8% për dyqanet. Ky nuk është sanksion. Nuk mund të funksionojë kontrolli mbi lejet e ndërtimit nëse nuk ka përgjegjësi të drejtpërdrejtë penale. Arkitektët janë përgjegjës për realizimin e projektit dhe duhet të firmosin për konformitetin e asaj që kanë ndërtuar. Ka vetëm një pengesë që përgjithësisht nuk është kapërcyer nga korrupsioni. Të gjithë janë të kujdesshëm kur japin leje sepse i thonë burgut hapu. Ajo që ndodhi në Durrës është historia e godinave që i përkasin kësaj kategorie që po flas unë. Janë shembur godina me shtesa. Shtoi ujë dhe shto miel. Ato godina që u nisën për 5 kate dhe u bënë 8 kate. Zhvilluesit pasi kanë shkelur me katër gjymtyrë lejet e ndërtimit, janë vënë para një kontrolli, kanë vajtur në gjykatë, duke gjunjëzuar shtetit duke marrë edhe legalizimin e paligjshëm të shtesës. Një pallat te drejtoria e policisë në Tiranë me 4 kate shtesë për të cilin u bë një betejë ligjore dhe zhvilluesi përqeshi shtetin. Pas këtij ligji ne duhet të kalojmë norma të reja që ngarkojnë me përgjegjësi të gjithë zinxhirin,. Ai nuk mund të bashkëpunojë më me zhvilluesin. Këto gjëra nuk imagjinohen në Gjermani apo në Francë, Nuk mundet dot që gjykatës t’i lihet diskrecioni nëse është apo jo e rrezikshme shtesa. Shtesa është shkelja e ligjit. Kjo sjell edhe përfitim të paligjshëm ekonomik dhe financiar në kurriz të qytetarëve. në fund nuk mundesh dot që sistemi të mbrojë ndërtuesin që ndërton jashtë lejes së ndërtimit duke vendosur një konfuzion total. Nuk mund të ketë ndërtesa gjysmë të paligjshme. Nëse ti ke bërë katin e gjashtë në një pallat 5 katësh, dhe ndërtuesit mos t’i hyjë asnjë gjemb në këmbë. KCK e ka gjunjëzuar shtetin. Çdo volum i ndërtuar me qëllim fitimi duhet ose shembur ose sekuestruar për qëllim social. Kjo do bëjë që edhe në Shqipëri të kemi ndërtime në përputhje me normat e ndërtimit”, tha kryeministri Edi Rama.