Thirrja e Dumës për bashkimin e PD-së: Rama vampir që lulëzon kur ne sulmojmë njëri-tjetrin

Nesër Sali Berisha ka thirrur një mbledhje të grupit parlamentar të Partisë Demokratike, i cili vijon që të jetë i përçarë.

Deputetja demokrate Grida Duma, thotë se PD-ja pa asnjë dyshim duhet të jetë e bashkuar, ndërsa nënvizon se kryeministri Edi Rama lulëzon kur brenda selisë blu ka sulme mes njëri-tjetrit.

“Një nga arsyet pse kam njohur realitetin politik pas zgjedhjeve të 6 marsit, ka të bëjë me atë që PD duhet të jetë një dhe e madhe. E para gjë që më shtyn është kjo. Një nga arsyet pse qëndroj në heshtje është se kam kuptuar qartazi që Rama është si një vampir, apo shushunjë që në një moment kur sheh se ka në publik thënie njëri kundër tjetrit brenda PD-së, ai lulëzon. Kjo është e papranueshme për mua”,-tha në ”Syri TV”.