“Të gjithë në bulevard për të mbrojtur Kushtetutën”, mbahet sot manifestimi i Presidentit Meta

Sot do të mbahet manifestimi i thirrur nga presidenti i Republikës Ilir Meta, në mbrojtje të Kushtetutës dhe kundër grusht shtetit të iniciuar nga kryeministri Rama.

Presidenti Ilir Meta, në një konferencë për mediat, u bëri thirrje qytetarëve që t’i bashkohen manifestimit që do të mbahet në bulevardin“Dëshmorët e Kombit”.

“Atdheu po përjeton krizën më të thellë dhe më të rrezikshme për vetë ekzistencën e tij të shkaktuar nga ky sekt që po përdhunon kushtetutën dhe ligjet e këtij vendi si uzurpatorët e dhunuesit më të pashpirt të lirive dhe të drejtave tua themelore ndaj unë ju pres të gjithëve. Të gjithë përfaqësuesit e sipërmarrjeve të ndershme e bizneseve dhe investitorëve që i është bërë e padurueshme kjo sjellje diskriminuese, poshtëruese e klienteliste e një qeverie e një parlamenti që nuk ekziston më si e tillë. Nesër ju pres në bulevardin “Dëshmorët e kombit” sepse situata këtu ka kaluar çdo kufi, sepse këtu 10 veta tallen me 3 milionë shqiptarë,  bëjnë  dhe moral në emër të reformës në drejtësi”,– tha Presidenti Meta.