Topalli: Bashës i ka ikur ushtria e tij, me Berishën është rikthyer baza e PD-së

Ish-kryeparlamentarja, Jozefina Topalli është një nga mbështetëset e ”Foltores” së krijuar nga lideri historik i PD-së, Sali Berisha. Kurse për kreun Lulzim Basha, thotë se i ka ikur ushtria, ndërsa me Berishën është rikthyer baza e PD-së.

“Bashës i ka ikur ushtria e tij nuk guxon për të bërë një deklaratë që e ka përsëritur me veten, ndërkohë në anën tjetër është rikthyer baza. Thonë se kemi qenë në gjumë, do kishim një opozitë farsë. Cila do të ishte e ardhmja e vendit tonë. Nuk do e quaja berishizëm sjelljen e Bashës. Në kohën e Berishës nuk ka ndodhur që të digjen mandatet”, tha Topalli për ”TCH”.