Tritan Shehu: “Beteja” Rama-Mjekët, 0:1

Sekretari për Shëndetësinë në PD, Tritan Shehu shkruan se mjekët e fituar betejën e parë me kryeministri Edi Rama, për testimin e tyre.

Shehu ka reaguar pas vizitës së paparalajmëruar që bëri kryeministri në ambientet e QSUT-së në një takim me shefat e reparteve dhe që sipas tij kanë rënë dakord për testimin.

Reagimi i Tritan Shehut:

“Kryeministri sot përsëri në QSUT.

Ndryshe nga dje ai takoi shefa shërbimesh aty.

Takimi që ju dedikua “testimit”, ishte i pa paraprirë nga një platformë, pa pjesëmarrjen e mediave, i nxituar e përsëri i sforcuar.

Mënyra si u zhvillua ai, tingëllon si një fitore e parë e personelit shëndetësor shqiptar, që ju kundërvu atij “testimi” të paligjshëm.

Rama nga presioni i këtyre javëve kërkon të fitojë kohë e të zbusë tonët, por pa e pranuar atë gabim.

Për kujtesë, ishte ai vetë iniciuesi i asaj ideje të paligjeshme më 29 dhjetor.

Deklaroi sot se akoma nuk ka asnjë platforme për “tesitimin”, se kjo periudhë do jetë e gjatë duke përmendur “tetorin”, kur vetëm para disa ditësh ishin përcaktuar dhe muajt e shkurtit e marsit.

Në tërësi kërkoi të tregohej krejt i paqartë për menyren e realizimit, interferencave me edukimin e vazhdueshëm, afateve kohore, konkluzioneve të pritshme nga rezultati e për pasojat që do kishte personeli mbas këtij “testimi”.

Para pak ditësh u deklarua shpallja vakant e vendit të punës për "rezultat negativ".

Megjithatë nuk deklaroi as sot tërheqjen nga ai propozim arbitrar e denigrues.

Personeli shëndetësor në saj të solidaritetit që manifestoi vërtet arriti kështu një sukses, por akoma jo të plotë dhe të përkohshme”, shkruan Tritan Shehu në Facebook.