Tritan Shehu: Qeveria “fshihet” pas Komitetit të ekspertëve, ai hesht para Qeverisë
Ish-ministri i Shëndetësisë, Tritan Shehu përmes një statusi në Facebook ka reaguar lidhur me konferencën e kryeministrit Rama me ekspertët e Komitetit Teknik. Shehu thotë se Qeveria “fshihet” pas Komitetit, ndërsa kryeministrit hesht para Qeverisë. Më pas ish-ministri shtron disa pyetje për Komitetin teknik.
Postimi i plotë i Tritan Shehut:
Qeveria “fshihet” mbas Komitetit të ekspertëve, ai hesht para Qeverisë!
Ndërsa Kryeministri edhe sot i “shqetësuar për një valë të dytë”, vazhdon në rolin e shurdh-memecit ndaj disa pyetjeve strategjike, ky Komitet duhet të japë disa shpjegime teknike për ato:
1- Pse në vendin tonë në mënyrën me absurde nuk lejohen laboratorët e pajisura të realizojnë ekzaminimet për zbulimin virusal, duke u hermetizuar vetëm në IShP? Pse ky Komitet nuk i shpjegoi që kështu pengohet direktiva test, test, test duke shtuar edhe rrezikun e “valës së dytë”, në një kohë që kjo procedurë po thjeshtohet kudo?
2- Qeveria në mënyrën më anti shkencore, e anti ligjore ndalon forcërisht laboratorët të realizojnë egzaminimet imunologjike për të percaktuar anti trupat IgM, IgG apo dhe IgA, duke e “mbyllur” gjithçka në QSUT, gjë që bllokon check e dyfishtë, vlerësimin e metodave, masivizimin e procedures e duke na ekspozuar ndaj “valës së dytë”. Dikush në atë Komitet duhej t’ja thoshte se saktësia shkencore rritet me diversifikimin e operatorëve, veçanerisht për këtë analizë të thjeshtë, të realizueshme në një shumicë të laboratorëve për të tre metodikat e saj, e pa dëmshme për qytetarët dhe e pa rrezikshme për personelin e tyre. Aktualisht kudo po shfrytëzohen të gjitha kapacitetet e mundshme, deri te ato veterinare e farmacitë për këtë, ndersa tek ne…!
3- Pse ky Komitet nuk i shpjegoi domosdoshmërinë e përdorimit të maskave në ambjentet publike, veçanërisht në këtë periudhë “hapje, pikërisht edhe si mbrojtje ndaj “valës së dytë”? Në një kohë që kudo ky proces po kondicionohet me detyrimin e përdorimit të maskave, me sigurimin e shpërndarjen e tyre nga strukturat shtetërore, tek ne Qeveria hesht; së paku ky Komitet teknik duhet të bëjë publik një opinion!
Qeveria deklaron se vendos Komiteti edhe per vendimet strategjiko-politike; Komitetit hesht edhe për opinionet teknike, përfundimi…në vend numuro!!
