Tuneli i rrugës Delvinë-Kardhiq/ Rama: Finalizojmë lidhjen e një aksi strategjik (VIDEO)

Këtë të hënë do të nisë puna për Tunelin e rrugës Delvinë-Kardhiq. Kreu i qeverisë, Edi Rama në rubrikën e mëngjesit, përmes një videoje të shkurtër prezantuese ka bërë me dije se ka përfunduar loti i 1,2 dhe 3 ndërkohë që në lotët 4, 5, 6 realizimi fizik ka arritur në masën 80%.

“Mirëmëngjes dhe me lajmin e mirë të nisjes sot të punës për Tunelin e rrugës Delvinë-Kardhiq, që do të finalizojë lidhjen e një aksi strategjik të infrastrukturës sonë kombëtare, ku po punohet intensivisht për realizimin e një tjetër premtimi dhjetravjeçar të të gjitha qeverive të mëparshme, ju uroj një javë të mbarë”.