Turi i takimeve, ministri Balla në Shkodër: Të goditen grupet kriminale dhe pastrimi i alpeve nga kanabisi

Me marrjen e detyrës, ministri i ri i Brendshëm, Taulant Balla i di ku janë problemet. Ai ka nisur një tur takimesh, dhe e ka startuar në Shkodër.

Gjatë një takimi me strukturat drejtuese të Drejtorisë Vendore të Policisë Shkodër, Balla ka kërkuar të merren të gjitha masat që i takojnë Policisë, për mbarëvajtjen e sezonit turistik, të intensifikohet puna për goditjen e grupeve kriminale dhe pastrimin e alpeve e zonave të thella, nga kultivimi i lëndëve narkotike.

Ministri tha se strukturat e Policisë duhet të kenë vëmendje më të shtuar ndaj ndërtimeve pa leje, sidomos në qendrat urbane dhe zonat turistike. “Na duhet vëmendje e shtuar ndaj fenomenit të ndërtimeve pa leje në qendrat urbane e ato turistike. Nuk duhet të ketë asnjë tolerim”, tha ministri Balla.