Ulje pagash/Spaho: Mazhoranca mendon me kokën e Ramës

Nënkryetari i PD-së, Edmond Spaho, thotë se propozimi i deputetit të PS-së, Ilir Beqajt për uljen me 10% të pagave të punonjësve të sektorit publik dhe prekjen e pensioneve suplementare, në fakt vjen nga vetë kryeministri Edi Rama. ”Ky nuk është propozim i një individi, pasi në këtë mazhorancë mendojnë të gjithë me kokën e Edi Ramës. Ministrja e Financave ka thënë se nuk ka një plan të tillë, por as nuk e përjashtoi si mundësi. Unë mendoj se në Shqipëri duhet studiuar mundësia për të rritur paga e pensione, pasi i kemi më të ulëtat në Evropë. Është propozim i palogjikshëm. Mendojnë shkurtimin e pagave, por nuk e çojnë nëpër mend që të anulojnë koncesionet”, deklaroi në ”A2cnn”.