Vaksinat ruse në Shqipëri/Demiraj: Përpjekje e Moskës për ndërhyrë në zgjedhjet e 25 prillit

Kolonel Dritan Demiraj, thotë se ardhja e vaksinave ruse dhe kineze në vendin tonë tregon përpjekjet e Rusisë për të rritur influencën në Ballkan. Po ashtu ai përmend ndërhyrjen ruse në zgjedhjet e Malit të Zi, Maqedoninë e Veriut dhe Bosnjë Hercegovinën.

”Vendimi për të sjellë sa më shumë vaksina është pozitiv, vaksina ruse nuk është e certifikuar nga OBSH dhe kemi parë ndërhyrje të Rusisë në zgjedhjet e Malit të zi të Maqedonisë së Veriut dhe në Bosnje Hercegovinë. Kjo tregon përpjekjet e saj për të rritur influencën në Ballkan.

Rusia po përdor “Soft Power” që konsiston me vaksina gjoja sikur po ndihmon, që po e bën nëpërmjet Emirateve Arabe. Dihet që ministri i propagandës së kasapit të Ballkanit, Vuçiç prej kohësh po armatoset nga Rusia dhe po përpiqet të shtrijë influencën përmes minishengenit.

Ardhjen e vaksinave ruse e shoh si përdorimin e “soft power” për të shtrirë influencën në vendin tonë . Rusia prej kohësh po përpiqet të rrisë influencën luftarake përmes avionëve, mjeteve të blinduara e ndihma nga Rusia në Serbi që në disa retorika nga BE kanë qenë të papranueshme nga BE por jo të dënueshme”,-tha Demiraj për ”A2cnn”.

Parë nga ky këndvështrim Demiraj, thotë se “Defender Europë 21” është një leksion që NATO po i jep Rusisë. Sipas tij është një nga stërvitjet më të mëdha në 30 vitet e fundit në rajonin tonë, që do të ndikojë në zhvillimin ekonomik dhe politike të vendit si dhe do të rrisë kapacitetet ndëroperacionale.