Vasili: Abortimi i krizës së kryeministrit frikacak, SPAK hesht për skandalin
Nënkryetari dhe deputeti i LSI-së, Petrit Vasili thekson përmes një reagimi në facebook, se nga qëndrimi protestues i qytetarëve, kryeministri Edi Rama bëri hapa pas në rritje me krizën energjike që e vetëshpalli disa ditë më parë.
Nga ana tjetër, Vasili ka folur edhe për drejtësinë e kapur, kur në vend që SPAK sipas tij të niste hetimet për gjoja krizën e shpallur nga Rama që tronditi shqiptarët, hesht edhe për këtë skandal.
“Përse SPAK-u ka taposur gojën? Përse SPAK-u mbyll sytë dhe nuk heton qeverinë OSHE dhe KESH për shpërdorimin e tmerrshëm me paratë publike dhe dëmin kolosal? Perse SPAK- nuk heton kryeministrin që shpërdoron pushtetin për deklaratat destabilizuese për gjoja krizë duke tronditur shqiptarët?”,-shkruan më tej Vasili në facebook.
Postimi i plotë
Abortimi i gjasme krizes energjitike erdhi shume shpejt si cdo mashtrim i trashe i ketij kryeministri te kapur dhe vulgar.
Rama foli per kataklizem energjitike, foli e tha qe çmimet jo vetem do te rriten, por nuk do te ulen edhe kur kriza te kete mbaruar.
Por sapo qe i gjithe opinioni dhe politika u ngrit ne kembe dhe provoi qe kjo ishte thike pas shpine per shqiptaret e varfer dhe mashtrim per te mbuluar baderdine me parate publike nga qeveria OSHE dhe KESH, Rama i trembur gjer ne palce u terhoq turpshem. U tund mali dhe polli nje mi!
Kataklizmoja u harrua dhe na doli qe gjendja ne hidrocentralet qenka e mire. Deklaratat apokaliptike te se djeles se shkuar te kryeministrit u harruan dhe veç dihatjes histerike dhe shqyerjes se syve te aktrimit mashtrues nuk mbeti asgje tjeter. Por mbeti edhe fakti qe strategjia e piset e kryeministrit ishte: te provojme t’ua rrisim çmimin e energjise, po e hengren dhe nuk reaguan mire, ne te kundert terhiqemi sikur s’ka ndodhur gjē.
Ky mashtrim i rende publik ishte paradhoma e nje gracke te re te menduar nga Rama dhe te tijte per te mbushur arken e boshatisur te shtetit me gjakun dhe sakrificat e shqiptareve duke u futur edhe te buka e gojes se tyre. Kryeministri frikacak abortoi dhimbshem dhe ne fund te te gjithe kesaj krize si furtune ne gote mbeti vetem fakti qe rrogat e pensionet nuk do te rriten kurre sa te jete Rama!
Asgje e re kur dihet qe per kete kryeminister shqiptaret nuk ekzistojne sepse ekzistojne vetem miliardat e koncesioneve, qe ndahen me oligarket, ekzistojne qindra tendera sekrete dhe te hapur, qe grijne miliona etj etj.
Por asgje nga keto nuk ka rendesi pasi dihet qe kryeministri eshte i akaparuar nga mijra interesa te tjera te errta, te cilat jane te gjitha kunder shqiptareve! Por ka shume rendesi vetem nje çeshtje, ne kete moment kur shperdorimi i postit te kryeministrit ka arritur kulmin dhe qe eshte roli i drejtesise perballe abuzimit te dhunshem te postit shteteror dhe pasojave qe ai ka mbi njeriun e thjeshte.
Ndaj te gjithe pyesim me ze te larte: Perse SPAK-u ka taposur gojen? Perse SPAK-u mbyll syte dhe nuk heton Qeverine OSHE dhe KESH per shperdorimin e tmerrshem me parate publike dhe demin kolosal? Perse SPAK- nuk heton kryeministrin qe shperdoron pushtetin per deklaratat destabilizuese per gjoja krize duke tronditur shqiptaret?
Edhe sa kohe SPAK- u do vazhdoje te funksionoje me regji? Edhe sa kohe SPAK- u do vazhdoje eskursionet nga Lushnja, Pogradeci,cironkat e deri tek RTSH, por pa u ndalur kurre e kurre te qeveria? Kjo krize e stisur nga Rama kerkon ndeshkim shume te rrepte nga drejtesia. Kjo Drejtesi e ashtuquajtur e “re” nuk perballet me kete manipulim publik kaq te rende, nuk perballet as me baderdine e OSHE dhe te KESH, nuk perballet as me Teatrin, Inceneratoret, Becchetin? Atehere ç’dreq drejtesie eshte kjo??
