Vasili i nxjerr videon Ramës: Delenxhiu, që flet për sovranitet dje pro dhe sot kundër SHBA dhe BE!

Nënkryetari i Lëvizjes Socialiste për Integrim, Petrit Vasili ka reaguar sërish mbrëmjen e sotme lidhur me nismën e kryeministrit Edi Rama për ndryshimin e njëanshëm të Kushtetutës, akt ky që cenon marrëveshjen për reformën zgjedhore të arritur në ndërmjetësimin e SHBA-së dhe BE-së.

“Delenxhiu, që flet për sovranitet dje pro dhe sot kundër SHBA dhe BE !!(VIDEO).

Futja edhe në Kushtetutë e Operacionit Ndërkombëtar të Monitorimit (ONM) të Reformës në Drejtësi nuk ishte për Delenxhiun shkelje Sovraniteti.

Delenxhiu thoshte na duhej me patjetër SHBA dhe BE për Reformën në Drejtësi se jemi të gjithë kushërinj në Shqipëri.

Ndërsa sot për Reformën Zgjedhore SHBA dhe BE nuk i duhen Delenxhiut, se kërkon të vjedhë votat dhe nuk jemi më kushërinj të gjithë ne në Shqipëri.

Pusho Delenxhi, mos fol për Sovranitetin se të doli boja tej e tej.

Shiheni vetë çfarë i thotë Delenxhiu “TV FRANCE 24” në korrik 2017”, shprehet Vasili.