Vasili: Kemi 300% raste të reja më shumë se sa në periudhën e pikut, kurba një improvizim pa strategji

I ftuar në “Tempora” nga Sonila Meço në RTV Ora, ish-deputeti i LSI, Petrit Vasili tha se numri i rasteve të reja tani është 3-fishuar krahasuar me pikun e pandemisë në vendin tonë.

Vasili: Kemi 300% raste të reja më shumë se sa në periudhën e pikut. Kur flisnim për kurbë epidemiologjike, u tha se ishte një sharrë, që është një idiotësi. Në Shqipëri kurba nuk evidentonte realitetin, ishte një improvizim pa strategji dhe qëllim. Një vend që është i varfër dhe me resurse të kufizuara, është i detyruar nga ana epidemiologjike të marrë masa më shpejt dhe më të rrepta.