Vasili: Nuk heqim dorë nga largimi i Ramës si kryeministër. Çmontuam projektin për rrëmbimin e zgjedhjeve

I ftuar në “360gradë” nga Artur Zheji në RTV Ora, ish-deputeti i LSI-së Petrit Vasili u shpreh se në këshillin politik PS propozoi që të gjitha komisionerët të jenë pjesë e administratës, që sipas Vasilit janë të politizuar.

Vasili: Propozimi në fillim ka qenë që të marrë të gjitha komisionet dhe t’i pajisur me komisionerë të administratës që është e kapur dhe e politizuar. Ky komplot shumë i rëndë i evitua falë një aksioni të opozitës.

Nenkryetari i LSI-së Petrit Vasili u shpreh se aksioni politik i opozitës nuk përjashton asnjë instrument.

Vasili: Aksioni politik nuk përjashton asnjë instrument. Të gjitha instrumentet në 360 gradë, qysh nga demaskimet e përditshme, malet me drogë, edhe 1 miliardë lekë për parkun Rinia. Do të vazhdojmë me intensitet gjithmonë më të shtuar, deri kur pushteti të vendoset me votë.