Vasili: Qëndrimi i Luan Ramës lexim personal, jo qëndrim i LSI

Nënkryetari i Lëvizjes Socialiste për Integrim, Petrit Vasili, thotë se deklarata e Sekretarit të Përgjithshëm të Lëvizjes Socialiste për Integrim, Luan Rama  lidhur me raportin e FMN-së nuk është një qëndrim zyrtar i LSI-së, por i tij personal.

Por nga ana tjetër, kryetari i grupit parlamentar të Lëvizjes Socialiste për Integrim thekson se bashkëpunimi konstruktiv me Fondin Monetar Ndërkombëtar është me rëndësi për vazhdimin me sukses të reformave të nisura.

Vasili: “Qëndrimi i Luan Ramës lidhur me raportin e Fondit Monetar Ndërkombëtar nuk është një qëndrim zyrtar i Lëvizjes Socialiste për Integrim. Është një lexim individual i tij i këtij raporti. Bashkëpunimi konstruktiv me FMN-në është me rëndësi për vazhdimin me sukses të reformave të nisura”.