Vasili: Strategjia e qeverise për pandemine, spontane, aprofesionale dhe e fragmentuar

Nënkryetari i LSI-së, Petrit Vasili deklaron se shtimi i rasteve të vdekjeve në Shqipëri tregon se strategjia e qeverisë kundër pandemisë është e gabuar dhe jo profesionale.

Në një reagim në Facebook, Vasili shprehet se testimet nuk po kryhen sipas rekomandimeve dhe modeli i izolimit të banorëve nuk po ndiqet si në vendet e tjera.

Postimi i plotë i Petrit Vasilit në Facebook:

Strategjia e qeverise per Pandemine,spontane, aprofesionale, dhe e fragmentuar.(VIDEO).

Perqindja e vdekjeve ne Shqiperi ne raport me rastet e infektuara eshte nga me te lartat ne Europe dhe kjo tregon krejtesisht te kunderten nga propaganda e qeverise, që bertet se gjoja mbrojti jetet e njerezve.

Testimi i gjere nuk kryhet. Kufizimet e improvizuara dhe aprofesionale te kryeministrit, mundesojne negativisht te kunderten dhe pikerisht grumbullimin e dendesimin e qytetareve.

Duhet nje tjeter strategji kufizimesh qe te jete e ngjashme me Europen, përndryshe rrezikohen jeta dhe shendeti i qytetareve.

Propaganda e qeverise eshte vendosur jo ne funksion te Pandemise,por teresisht ne funksion te politikes se dites dhe alibi per mosveprimet e saj.

Duhet reflektim, testim dhe modesti.

Nuk mund ti lihen më tej gjerat rastesise dhe kapriciove te çartura te kryeministrit, por planifikimit shkencor dhe profesional.

Nuk mund te luhet më me jeten e shendetin e njerezve.

https://www.facebook.com/petritvasil/videos/vb.1701679976798494/149153846492152/?type=2&theater