Vazhdojnë ekzekutimet/Bujar Lika shënjestra e atentatit në Mamurras, zbulohet lidhja e tij me vrasjen e Enton Nikës në Linzë

Dy atentatet mbrëmë zbulojnë të tjera detaje në lidhje me atentatin e ndodhur në orën 22:17 të së shtunës, në ambientet e jashtme të një hoteli në autostradën Mamurras-Lezhë, në fshatin Gjormë, me dy të vdekur biznesmenin Bujar Lika dhe Paulin Gjergjin (vdiq sot ne spital) si dhe plagosjen e 21 vjecarit Kreshnik Tusha.

Forcat e policisë, sic bën me dije  ndodhen aktualisht te spitali i Traumës, në pritje për të marrë dëshminë e tij. I riu i është nënshtruar mbrëmë një operacioni, pasi ka marrë tre plumba në këmbë.

Sipas të dhënave policore, vec gëzhojave në vendngjarje policia ka sekuestruar edhe një pistoletë në dorën e viktimës Lika, që dyshohet të jetë edhe shënjestër e atentatit. Ai njihet si person me precedent të mëparshëm penal.

Lika është i njohur edhe me mbiemrin Hasani dhe dyshohej si i përfshirë në një ngjarje kriminale në Linzë, ku mbeti i vdekur Enton Nikaj. Ai po ashtu njihet si mik i ngushtë i një personi me precedent penalë, i njohur edhe si biznesmen në fushën e lojërave të fatit.

Ndërsa Paulin Gjergji dhe Tusha rezultojnë persona pa precedente të mëparshëm penal.