Veliaj: Kam lënë porosi që nesër transporti publik të jetë falas për gratë dhe vajzat

Erion Veliaj thotë se me rastin e ditës ndërkombëtare të Gruas, transporti publik do të jetë falas për të gjitha gratë dhe vajzat. Kryebashkiaku falenderon të gjitha nënat, zonjat, dhe vajzat për kontributin e tyre në përmirësimin dhe zbukurimin e jetës në Tiranë.

Postimi i plotë

Nesër është 8 Marsi dhe u lashë porosi kolegëve të Bashkisë që, të gjitha nënat, zonjat, dhe vajzat, të cilat i japin çdo ditë kaq shumë nga dashuria, përkushtimi dhe këmbëngulja e tyre qytetit, të udhëtojnë FALAS në të gjitha linjat e transportit urban të Bashkisë së Tiranës. Faleminderit për punën tuaj të jashtëzakonshme.