Veliaj: Koha e Saliut dhe Lulit ka mbaruar

Kandidati i Partisë Socialiste për Tiranën, Erion Veliaj, gjatë një takimi me banorët e njësisë 8, duke iu drejtuar të rinjve, ka deklaruar se i ka ikur koha Sali Berishës dhe Lulzim Bashës.

 “Ky është një vend që sa kohë të ketë Saliun dhe Lulin, çdo të riu që i futet politikës, ata do i bëjnë analizën. Por, unë i them të rinjve të kenë kurajo pasi koha e Saliut dhe Lulit ka mbaruar. Koha e njerëzve që mbajnë pushtetin duke vrarë, ka mbaruar. Tirana do të shkojë në drejtimin e duhur”, tha Veliaj, i cili shtoi se kryeqytetit i duhet një kryebashkiak që të punojë 24 orë.

“Nuk kam komplekse nga e shkuara ime pasi kam bërë atë jetë që ka bërë çdo shqiptar i ndershëm. Jam krenar për jetën dhe familjen time pasi familja ime nuk ka vrarë njeri më 21 Janar”, theksoi Veliaj.