VELIAJ: MIRËPRES BLUSHIN NË FUSHATË, ËSHTË NJERI I ZGJUAR

 

Kandidati i PS-së për Tiranën, Erion Veliaj ka shkrirë akujt me deputetin socialist Ben Blushi, kur është shprehur se e mirëpret atë në fushatën për kryeqytetin.

I ftuar në emisionin “5 pyetje nga Babaramo” në A1 Report, Veliaj është shprehur se Blushi është njeri jashtëzakonisht i zgjuar. Kandidati soaciliast ka deklaruar se është mirëpritur në fushatë çdokush që mendon se ky qytet mund të bëhet.

 

Blushi pak kohë më parë ka mbështetur kandidaturën e Veliajt për Bashkinë e Tiranën, ndonëse ka kontestuar mënyrën e përzgjedhjes së tij. Në lidhje me kritikat e tij drejtuar qeverisë, Blushi është shprehur se kjo nuk lidhet me zgjedhjet lokale, e aq më pak me Veliajn, pasi askush nuk kërkon nga kryebashkiaku rritje të ekonomisë apo uljen e papunësisë.