Veliaj në kantierin e ndërtimit të lagjes së re në Ndroq: Pas tërmetit, u ringritëm më të fortë

Kreu i Bashkisë së Tiranës, Erion Veliaj ka qenë sot në kantierin e ndërtimit të lagjes së re në Ndroq, ku do të strehohen 74 familje që u prekën nga tërmeti tragjik i një viti më parë..

“Të vazhdojmë përpara. Edhe besoj që puna në finale do të flasë më shumë se çdo fjalim përkujtimor në vitin e parë të tërmetit dhe vitet që do të vijnë”, u shpreh Veliaj nga Ndroqi.

“Në Tiranë, në fshat kemi mbaruar me 70% të akomodimit, në qytet jemi vetëm te ndërthurja e shtëpive individuale, ndërsa për pallatet duhet një punë 12-13 muaj për të mbaruar punën në lagjen “5 maj”, Kombinat dhe kapmpuset, pasi kërkojnë më shumë financime, strukturë, kështu që jam i bindur që do të takohemi këtu prap për një vit“, shtoi Veliaj.