Veliaj në “shtëpinë” e shqiptarëve në Zvicër: Mezi pres bashkëpunimet mes Bashkisë së Tiranës dhe Art Basel

Tirana dhe Bazeli do të ndërtojnë një urë të re bashkëpunimi në fushën e artit. Kryetari i Bashkisë së Tiranës, Erion Veliaj, ndodhet sot për një vizitë në Zvicër, ku u takua me dy këshilltarët e Këshillit Qeverisë të kantonit të Bazelit, qytet ku jetojne shumë shqiptarë.

“Kryeqyteti Europian i Rinisë, takon Art Basel-in! Ishte kënaqësi të takohesha me këshilltarët e Këshillit Qeverisës të Bazelit, Lukas Engelberger dhe Marco Greiner. Kantoni i Bazelit është shtëpia e shumë shqiptarëve dhe një skenë e mrekullueshme e artit.
Mezi pres të kemi më shumë bashkëpunime mes Bashkisë së Tiranës dhe Art Basel”, shkruan Veliaj.

Panairi i Bazelit, “Art Basel”, bashkon botën e artit ndërkombëtar. Ai përmban mbi 200 galeri kryesore dhe më shumë se 4000 artistë nga pesë kontinente.

European Youth Capital meets Art Basel

What a delight to meet with Basel Regierungsrat/Minister Lukas Engelberger and Marco Greiner. @BaselStadt is home to many thriving 🇦🇱 & a fantastic art scene!

Can't wait to do more to link @ArtBasel with @CityOfTirana – stay tuned! 🇦🇱❤️🇨🇭 pic.twitter.com/9of0tniL06

— Erion Veliaj #B40Presidency 🇪🇺🇦🇱 (@erionveliaj) June 17, 2022