Veliaj: Po vjen vetëm fundi i atyre që kanë nëpërkëmbur dinjitetin e Tiranës

Kandidati i ASHE-së, Erion Veliaj ka mbyllur fushatën elektorale në një miting të zhvilluar në Sheshin Nënë Tereza.

Në fjalën e tij, Veliaj tha se "Ndihet njeriu më me fat për misionin që i është besuar dhe shprehu bindjen e tij për fitore në gjithë Shqipërinë".

"Asnjë qytet sot nuk thotë e duam bashkinë si Bashkinë e Lulzim Bashës.

Sot Bashkia e Tiranës është standardi më i ulët i menaxhimit të qytetit, ne duam një Tiranë që të jetë shembull.

Ka 30 ditë po shikojmë sesi dallohet fushatat tona. Me fushata e tyre, PD po u thotë njerëzve po vjen i botës, po vjen fundi  i kohërave, por po vjen vetëm fundi i atyre që kanë nëpërkëmbur dinjitetin e Tiranës.

Ata mbjellin frikë, ne sjellim shpresë, kjo është diferenca mes nesh.

Për të gjithë ata që mendojnë se do bëhet qameti po fituam ne, jo vetëm në Tiranë, u themi që vijmë për të punuar, nuk vijmë për hakmarrje po për të nxjerrë qytetin në punë", tha Veliaj.