VIDEO/ 16 orë diskutime me ministrat, Rama: Kaluam në skaner çdo sektor

Pas 16 orësh ka përfunduar mbledhja maratonë e kryeministrit Edi Rama me anëtarët e kabinetit qeveritar, në këtë fillimviti. Mbledhja e qeverisë, e zhvilluar në “Vilën 31” në kryeqytet nisi ditën e mërkurë, për të vijuar deri në orët e pasdites së të enjtes.

Përmes një postimi në facebook, Rama shkruan se në këtë mbledhje u diskutua për çdo sektor si dhe u miratuan objektivat konkrete për vitin e ri.

“Maratona e diskutimit të fillimvitit në qeveri sapo mbaroi pas 16 orë e 25 minutash, ku kaluam në skaner çdo sektor për vitin që sapo iku dhe debatuam e miratuam objektivat konkretë të këtij Viti të Ri, i cili do të jetë një vit më pranë njerëzve, duke u nisur gjithnjë nga ata më në nevojë”, shkruan Rama.