VIDEO/ Berisha pro qeverisë ”Kurti” për situatën në Veri: Po zbaton ligjin, Rama po ndihmon Vuçiç

Nga jashtë ambienteve të Kuvendit të Shqipërisë, Sali Berisha tha për gazetarët se e cilëson të vështirë situatën në veriun e Kosovës, por ai mbështet veprimet e Albin Kurtit. Por nga ana tjetër, akuza të ashpra për kryeministrin Edi Rama që për të po i shërben presidentit serb Aleksandër Vuçic.

“Plumbat e bandave serbe në jelekët, por edhe plagosjet e ushtarëve të KFOR-it, dëshmojnë se aty situata është më dramatike, më kritike se asnjëherë më parë, që nga lufta e çlirimit të Kosovës. Nacionalizimi serb në të gjithë qenien, ekzistencën, projektin e tij ka vetëm Serbinë e madhe.

Edi Rama ka qenë në mënyrë absolute këto vite, një ndihmës i shpifur i Aleksandër Vuçiç dhe ka futur thika pas shpine Kosovës në çdo moment. Gjatë këtyre ditëve qëndrimin e Kurtit unë e kam parë, qëndrimin e një kryeministri që kërkon të zbatojë ligjet e vendit të tij.

Druaj se dënimet dhe sanksionet ndaj Kosovës, lexohen si një inkurajim nga nacionalisti i verbër Vuçiç dhe në këtë kontekst unë jam skeptik se ato mund të ndikojnë pozitivisht në zgjidhjen dhe paqen në rajon”, tha Berisha.