VIDEO/ Erion Braçe flet i revoltuar në Divjakë: Veç për lekë, po vendosin tra në hyrje të Parkut

I kthyer në opozitarin e vërtetë kundër keq funksionimit të gjërave në Divjakë, deputeti socialist Erion Braçe, denoncon këtë pasdite vendosjen e traut në hyrje të Parkut të Divjakës dhe bërjen me pagesë për turistët dhe vizitorët. Ai thotë se dhe çiftet e reja që bënin setin e dasmës në molin e famshëm të Divjakës, tashmë duhet të paguajnë.

“Tra në hyrje të Parkut të Divjakës! Për të mbledhur lekë, lekë! Në këtë vend gjithnjë e më shumë nuk të lënë të merresh me punë; Duhet të merresh me lajthitje! Urdhëroni, shihni e degjoni”, shkruan Braçe dhe ndan videon e mëposhtme.

Po ashtu ai thotë se ka pyetur dhe punonjësit që po vendosin traun në hyrje të Parkut, por ata kanë thënë se nuk janë të informuar.