Video/ Klevi Pojana: Është koha për REVOLUCION!
Politikë E Hënë, 12 Tetor 2020 14:32
Nënkryetari i Lëvizjes Rinore për Integrim Klevi Pojana deklaron se është koha për revolucion.
Teksa publikon në rrjetet sociale një poezi që shoqërohet nga pamje të protestave të opozitës në Shqipëri, Pojana shprehet se kur populli bëhet bashkë, tiranët dridhen nga frika!
Ndaj thotë, ai koha e shpagimit po vjen dhe 25 Prilli 2021 është dita e së vërtetës.
“Është koha për REVOLUCION❗️
Ju përshëndes me këtë poezi kaq aktuale dhe kaq të fuqishme!
Kur populli bëhet bashkë, tiranët dridhen nga frika!
Koha e shpagimit po vjen!
25 Prilli dita e së vërtetës!”, shprehet nënkryetari i LRI-së, Klevi Pojana.
REVOLUCION – Shkruar nga SHKËLQIM ZIRAJ
Më gjëmon një zë nga brenda,
Më bucet e më thërret,
Më thot ngrihu edhe ti,
Boll fjete, s’ke dy jetë.
Ngrihu bjeri ti të keqes,
Mos e lër të të rrënjosi,
Merja frymën ti i pari,
Mos e lër të të brengosi.
Armatosu gjer në dhëmb
Më kurajo dhe besim,
Mos i tolero shtetarët,
Ata gjakun po ta pijnë.
Shko atje ku luftohet,
Se me mijra vijnë pas teje,
Të gjithë bashkë kundër të keqes,
Fitimtar të kësaj beteje.
Tundu pra, mos më rri ngrysur,
Shkunde pluhurin nga supet,
Çohu kërko të drejtën tënde,
Sa dhe malet le të tunden.
Boll ke ndenjur gjunjëzuar,
Çohu, mos u ndje në faj,
Nuk dhurohet, por fitohet,
Çdo gjë ka koston e saj.
Perballë tyre kur të jesh,
Bashkë me mijra të tjerë,
Do ju shkoj frika në palcë,
Shpejt kështjella do ju bjerë.
Ngrije zërin kundër tyre,
Se gjithë bota të dëgjon,
Mos e mëshiro tiranin,
Është koha për Revolucion.
