VIDEO nga Berati/ “Rama Ik!”, Lefter Maliqi: Entuziazmi nuk ndalet, më të bashkuar se kurrë. Fitore

Kandidati i Lëvizjes Socialiste për Integrim për deputet në qarkun e Beratit, Lefter Maliqi, deklaron se edhe pak ka mbetur që të shpërthejë etja dhe uria e shqiptarëve për ndryshim.

Ndaj, thotë ai, bashkimi dhe entuziazmi i shqiptarëve për ndryshim ka tërbuar Rilindjen

“Edhe pak ka mbetur që të shpërthejë etja dhe uria e shqiptarëve për ndryshim.

Jemi të gjithë bashkë dhe entuziazmi ynë ka tërbuar Rilindjen.

Kështu siç jemi, të gjithë nesër, të bëhemi bashkë në orën 10:30, në Pallatin e Kulturës në Berat, për të pritur në mënyrë madhështore, Kryetaren e LSI-së, znj. Monika Kryemadhi.

Të përmbyllim fushatën elektorale në Beratin që do i japë 3 mandate të sigurta LSI-së me 25 Prill”, shprehet Maliqi.

Ndërkaq, Maliqi ka publikuar në rrjetet sociale një video ku duket qartazi entuziazmi për pritjen e nesërme të kryetares së LSI-së, Monika Kryemadhi.

“Entuziazmi nuk ndalet, nesër në ora 10 e 30 më të bashkuar se kurrë para pallatit të Kulturës Berat. Fitore”, deklaron kandidati I LSI-së për deputet në Berat, Lefter Maliqi.