VIDEO/ Rama flet për çështjen ”McGonigal”: E kam takuar me kërkesë të tij. Me oligarkun rus nuk kam lidhje

Kryeministri Edi Rama, i ftuar në ”Top Story” po flet për çështjen ”McGonigal”, ku thotë se me ish-zyrtarin e FBI-së është takuar me kërkesë të tij. ”McGonigal ka ardhur më ka kërkuar ta takoja, më ka treguar se puna e tij ka pasur në fokus influencën ruse. Më ka folur për rajonin. Pastaj takimet e tjera kanë ardhur si rezultat i pranisë së tij këtu, e jam takuar krejt rastësisht, ose në praninë time në SHBA, ku më ka ftuar dhe kam qenë në zyrat e FBI-së dhe Nju York. Nuk shoh asgjë të jashtëzakonshme në këtë marrëdhënie krejt normale. S’kam pasur asnjë detyrim të njoftoj as ambasadën”,-tha Rama.

Grida Duma: Jeni mirë nga gripi sepse thatë se ishte një flamë?

Rama: Jam ok tani, jam shumë ok.

Grida Duma: Pse keni heshtur deri më tani?

Rama: Nuk kam heshtur, por kam thënë atë që mund të them unë, në kushtet që nuk ka asgjë që lidhet.