VIDEO/ Rama: Masa për pastrimin e kanaleve kulluese për sezonin e dimrit

Në të gjithë territorin e vendit janë marra masa për eliminimin e rrezikut nga reshjet për tokat bujqësore. Kryeministri Edi Rama ka publikuar pamje nga pastrimi i kanalit kullues në fshatin Sheqishtë, bashkia Patos, që shërben për kullimin e 250 hektarëve tokë bujqësore.

Rama tha se “Drejtoritë e Ujitje-Kullimit në gjithë territorin po marrin masa për pastrimin e kanaleve kulluese për sezonin e dimrit”.

Sistemimi i kanaleve vaditëse dhe kulluese në fshatrat e bashkisë së Fierit ka rritur produktivitetin e tokave bujqësore, po të kemi parasysh se me ndarjen e re territoriale rreth 50 % e gjithë territorit të bashkisë Fier është zonë rurale, pothuajse tërësisht bujqësore dhe me tokë shumë pjellore.