VIDEO/ Rama në Britani, shqiptarët e presin me protestë

Shqiptarët e Britanisë e kanë pritur me protestë kryeministrin Edi Rama gjatë takimit në hotelin ku ai do mbajë fjalën e tij, në ‘Konferencën Globale të Nënshtetësisë’.

‘Konferencën Globale të Nënshtetësisë’ e ka organizuar firma ‘Henley & Partners’, e cila merret me nënshtetësitë dhe rezidencën, kryesisht për klientë të pasur, nëpërmjet programeve të nënshtetësë, pra pajisjen e personave apo familjeve të pasura me pasaporta të dyta apo të treta.

Ende është e paqartë nëse qeveria shqiptare do adoptojë programin për shitjen e pasaportave shqiptare për të pasurit, në këmbim të investimeve.

Në këtë konferencë, kryeministri Edi Rama dhe qeveria shqiptare është e listuar në faqen zyrtare të këtij eventi si partnere, sëbashku me qeveritë e Malajzisë, Maltës, Malit të Zi dhe St. Lucias.

Akoma mbetet për t’u parë nëse qeveria shqiptare do adoptojë një program për shitjen e pasaportave, praktikë kjo e kritikuar gjerësisht nga Komisioni Europian, për shkak të  shqetësimeve lidhur me sigurinë, pastrimin e parave dhe evazionin fiskal.

Tre vende që operojnë këto skema në Bashkimin Europian janë Bullgaria, Qipro dhe Malta.