VIDEO/ Rruga që lidh Koplikun me 4 fshatra, ministrja Spiropali: Hap perspektiva të reja për agroturizmin

Në Malësi të Madhe po vijon puna për sistemimin e rrugës që lidh Koplikun me fshatrat Kalldrun, Stërbeq, Jubicë dhe Kamicë.

Ministrja e Shtetit për Marrëdhëniet me Parlamentin, njëkohësisht drejtuese politike e PS-së në qarkun Shkodër, Elisa Spiropali inspektoi sot punimet që po kryhen në këtë aks rrugor.

Spiropali tha se rikonstruksioni i kësaj rruge do të lehtësojë qarkullimin e mjeteve jo vetëm për banorët, por edhe për turistët që duan të eksplorojnë bukuritë natyrore të kësaj zone.

“Ky investim do të hapë perspektiva të reja për zhvillimin e agroturizmit, bujqësisë dhe blegtorisë”, theksoi ajo.