Vijon rritja e rasteve të reja, 274 të prekur në 24 orë nga Covid-19. Nuk ka viktima

Politikë E Enjte, 12 Gusht 2021 17:14

Në Shqipëri po vijon rritja e rasteve të reja me Covid-19. Sipas Ministrisë së Shëndetësisë nga 4,799 testime kanë rezultuar pozitivë 274 qytetarë, në këto bashki: 112 Tiranë, 17 raste në Fier, Elbasan, 16 raste në Shkodër, 15 raste në Vlorë, 14 raste në Lushnje, Gjirokastër, 9 Malësi e Madhe, 7 raste në Kurbin, 6 raste në Sarandë, 5 raste Vau i Dejës, 4 raste në Lezhë, Durrës, Kavajë, 3 raste në Has, Krujë, Kamëz, Përmet, Tepelenë, 2 raste në Kukës, Mat, Konispol, 1 rast në Tropojë, Mallakastër, Himarë, Korçë, Devoll, Berat, Kuçovë, Poliçan, Peqin.

Aktualisht janë 1,752 pacientë aktivë me Covid-19 në të gjithë vendin. Lajmi më i mirë është se nuk ka viktima në 24 orët e fundit. Në Spitalin Infektiv po marrin trajtim spitalor të specializuar 37 pacientë. Në 24 orët e fundit nuk ka asnjë humbje jete me Sars-Cov2 pozitiv. Janë shëruar 46 qytetarë gjatë 24 orëve të fundit, duke e çuar numrin e të shëruarve në 130,549 që nga fillimi i epidemisë.

”Muaji gusht do të jetë i hapur për vaksinimit anti-covid për çdo qytetar +18 vjeç, ndaj Ministria e Shëndetësisë i bën sërish apel qytetarëve të vaksinohen sa në parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm. Vaksinat anti-covid reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Nëse dyshoni se jeni i prekur nga Covid-19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”,-informon Ministria e Shëndetësisë.

Statistika (12 Gusht 2021)

Raste të reja ditore 274
Të shëruar në 24 orë 46
Të shtruar në spitale 37
Humbje jete në 24 orë 0
Testime ditore 4799
Testime totale 947,527
Raste pozitive 134,761
Raste të shëruara 130,549
Raste aktive 1,752
Humbje jete 2,460