Vladimir Kosta: PS-së në Qarkun e Gjirokastrës i ka rënë një fatkeqësi, ka koordinator Arben Ahmetajn

Deputeti socialist i Përmetit, Vladimir Kosta, ka shprehur rezervat lidhur me koordinatorin e caktuar nga Partia Socialiste për Qarkun e Gjirokastrës, Arben Ahmetajn.

Në një postim të bërë në rrjetin social Facebook, Kosta shprehet se emërimi i Ahmetajt në këtë detyrë është fatkeqësi për Partinë Socialiste në gjithë qarkun e Gjirokastrës.

“Një fatkeqësi e madhe i ka rënë PS -së në Qarkun e Gjirokastrës, që koordinator politik ka të paaftin Arben Ahmetaj”, shkruan Kosta në faqen e tij në Facebook.

Deputeti Kosta ishte kritik edhe para zgjedhjeve me PS-në. Ai ka shprehur rezervat për kandidatin e PS në Përmet dhe koha duket se i dha të drejt. Jaçe humbi në mënyrë të paimagjinueshme në një nga bastionet historike të së majtës.